ఈ క్షణాన నా స్వరా....

ఈ క్షణాన నా స్వరాన పదాలు ఆడేనా
ఈ జగాన ఎవరైనా నాతోటి పాడేనా
కళ్ళు తెరుచుకున్న మనసుకు లోకమంతా కొత్తేగా
ఒళ్ళు విరుచుకున్న వయసుకు కొత్త ఈడు వింతేగా
కాలు జారి పడ్డ మనసుకి ప్రేమ లోతు తెలియగా
చేయి జారి పోదా వయసు.. మనసు తేలేలోపుగా
ఈ క్షణాన నా స్వరాన పదాలు ఆడేనా
ఈ జగాన ఎవరైనా నాతోటి పాడేనా

కొత్తగొంతు ఎవరిదంట ఆమనింట పలికెనంట
సిగ్గుపడుతూ చెప్పెనంట లేత చిగురే ఆ చిన్నదెవరో
కోయిలమ్మదంట కొత్తకోడలంట
పేరంటానికంట పిలుపులీయమంటూ చల్లగాలికి కబురు పంపెనూ
కోకిలమ్మ చేతివంట రుచి చూడగానే రేగెనంట వేపపూత మనసులోన తీపి కోరిక

ఈ క్షణాన నా స్వరాన పదాలు ఆడేనా
ఈ జగాన ఎవరైనా నాతోటి పాడేనా

తోరణాలు కట్టించవమ్మ సన్నజాజీ చేతితో
వాయినాలు ఇప్పించవమ్మ మల్లెపూల గంధాలతో
తుమ్మెదమ్మకేమో సారెలీయవమ్మా...
రామచిలకకేమో పట్టు చీరలంటలేమ్మా ..బొట్టు పెట్టు మందారమా
ఎన్నెన్ని పందిళ్ళో ..ఎన్నెన్ని సందళ్ళో కొమ్మకొమ్మకీ కట్టుకున్న కోటలో...

ఈ క్షణాన నా స్వరాన పదాలు ఆడేనా
ఈ జగాన ఎవరైనా నాతోటి పాడేనా