రాయలేని భాష ఇది

చెప్పలేని భావమిది....చూపలేని వేదనిది
రాయలేని భాష ఇది....రాతలన్ని చెరిపినది
మూగమది రోదనిది... నా ప్రాణమునే వీడినది
బంధాలన్నీ తెంచుకున్న పాశమిది

నా హృద్యానవనాన పూసినది... పూటైన పోకుండా వాడినది
ఆ ఆకాశదేశాన మెరిసినది...తారల్లే ఉండకుండా రాలినది
చినుకేలేని ఒక మేఘం నాలో జడివానై కురిసింది
తీగేలేని మదివీణే నాలో కోటి రాగాలేల పలికింది
నీరే లేని సెలయేరే నాలో ఉప్పెనలాగా పొంగిన వేళ .....

చెప్పలేని భావమిది....చూపలేని వేదనిది
రాయలేని భాష ఇది....రాతలన్ని చెరిపినది
మూగమది రోదనిది... నా ప్రాణమునే వీడినది
బంధాలన్నీ తెంచుకున్న పాశమిది