skip to main |
skip to sidebar
ఉరిమే మేఘమా ... కరిగిపోవద్దు కన్నీరై
తరిమే కాలమా... తరలిపోవద్దు గతానివై
విరహం..శ్వాసగా..మనసు చేరింది ఈ వేళ
ప్రతి నిముషం ఆశగా ఎదురు చూసింది రావేలా?
(||ఉరిమే మేఘమా||)
ప్రేమంటూ ఒకటుందని నాకసలే తెలియదులే నువు పరిచయమయ్యేవరకూ
ఆవేదనంటేనే తెలిసిందిలే ఇపుడు నువు దూరం అయ్యేసరికి
గారంగా పిలిచాను..గాఢంగ వలచాను తెలియనిదా నీకే అది
మౌనంగా నువ్వుంటే ఏమనుకోవాలసలు నీకైనా తెలుసా మరీ
ఉందనా......లేదనా....నా మీద నీకే ప్రేమా!!
(||ఉరిమే మేఘమా||)
రానున్న రోజుల్లో కలిసుండాలనుకుంటూ గడిపాను ప్రతి రోజునీ
గతమంతా నీ జాడే ఉండాలనుకుంటూనే నిను తలిచాను ప్రతి నిముషమూ
నీ ఒడిలోనే నా ప్రాణం కడతేరిపోవాలి అది మాత్రమే కోరిక
నీ చూపుల్లో ఏ భావం దాగుందో నేడు తెలిసేదెలా నాకిక
ఔననా.....కాదనా ...ఇన్ని ప్రశ్నలకొకే మౌనమా?
(||ఉరిమే మేఘమా||)
1 comments:
good one last line chalaa nachindi
Post a Comment